Алдын ала текшерилүү: рефрактометрия, визометрия, тонометрия, биомикроскопия, офтальмоскопия, врачтын кеп-кеңеши.

Катарактка диагноз коюу: рефрактометрия, кератометрия, визометрия, тонометрия, пахиметрия, эхобиометрия, жасалма чечекейдин (хрусталик) өлчөмүн алуу, биомикроскопия, офтальмоскопия, врачтын кеп-кеңеши.

Глаукомага диагноз коюу: рефрактометрия, кератометрия, визометрия, тонометрия, пахиметрия, эхобиометрия, периметрия, ретинальная томография (HRT), биомикроскопия, гониоскопия, офтальмоскопия, врачтын кеп-кеңеши.

Көз торчосуна диагноз коюу: рефрактометрия, визометрия, тонометрия, көзгө УЗИ, периметрия, көздүн түбүнүн санарип сүрөтү, биомикроскопия, офтальмоскопия, врачтын кеп-кеңеши.

Көз жаракатына диагноз коюу: рефрактометрия, визометрия, тонометрия,көзгө УЗИ, периметрия, көздүн түбүнүн көздүн алдыңкы бөлүгүнүн санарип сүрөтү, биомикроскопия, офтальмоскопия, врачтын кеп-кеңеши.

• Каттоочу бөлүмгө кайрылуу (өздүгүн ырастоочу документтер - паспорт, туулгандыгы тууралу күбөлүк, пенсионердин күбөлүгү),
• Каттоочу бөлүмдүн багыттамасы боюнча текшерилүүнүн зарыл керектүү деңгээлин аныктоочу врачтын кеп-кеңешин алуу,
• Текшерилүүгө акча төлөө жана амбулатордук карта ачуу,
• “Көз микрохирургиясы” Госпиталынын диагностикалоо кабинеттеринен текшерүүдөн өтүү,
• Текшерилүүнүн жыйынтыгын чечмелөө, диагноз коюу жана дарылоону бекитүү үчүн врачтын кароосунан өтүү.

• Диоптриядагы сферикалык жана асмигматикалык курамчасынын аномалиясынын көлөмүн өлчөө
• Көз карегинин кыйшаюусун анын башкы меридиандарында өлчөө
• Көздүн сыртындагы тунук оболочканын калыңдыгын ченөө
• Көрүүнүн курчтугун өлчөө
• Көз алмасынын анатомиялык параметрлерин өлчөө
• Көздүн ички басымын аныктоо
• Гониоскопия
• Каректин чакчайган абалында көздүн түпкүрүн Гольдман линзасы менен текшерүү

Доктордун кеп-кеңеши 200 сом, текшерип чыгуусу 2000-2500 сомдун тегерегинде болот

• Катаракт хирургиясы:
  • жасалма чечекейди салуу менен катарактыны факоэмульсификациялоо.
• Лазердик хирургия:
• көрүүнү лазердик коррекциялоо (LASIK, ФРК),
• торчону лазердик дарылоо,
• глаукоманы лазердик дарылоо.
• Торчо катмарын хирургиялык жол менен дарылоо:
• арткы витрэктомия.
• Глаукоманы хирургиялык жол менен дарылоонун бардык түрү.
• Чалырды дарылоо хирургиясы.

"Көздүн микрохирургиясы" Госпиталынын шартында текшерилүүдөн өтүү,

Жашаган жери боюнча бейтапканага же башка диагностикалык борборлорго жалпы анализ тапшыруу. Анализдердин тизмеги операциянын түрлөрүнө байланыштуу болот,

Жалпы анализдин жыйынтыгынан кийин анестезиологдун кароосунан өтүү,

Операцияга жазылуу (дарылоочу доктор хирургдардын иштөө графигин эске алуу менен датасын аныктайт), кассага акча төлөш керек,

Операцияга жана аны ишке ашырууга даярдануу.

1. Кандын жалпы анализи
2. Кандын уюмалдыгына
3. Кандын канттуулугуна
4. Кан – RW
5. Кан – ВИЧ, гепатит вирусуна
6. Сийдиктин жалпы анализи
7. ЭКГ
8. Флюорография (рентгенография) – көкүрөк клеткаларынын органдарына
9. Лор-врачтын кеп-кеңеши
10. Стоматологдун кеп-кеңеши
11. Терапевттин кеп-кеңеши
12. Зарылчылыгы боюнча башка адистердин кеп-кеңештери (невропатолог, кардиолог, эндокринолог, фтизиатр, онколог)

• Операция алдындагы көзөмөлгө 3-5 күн калганда контакттуу линзаларды тагынууну токтотуу
• Операцияга 3 күн калганда операция алдындагы көзөмөлдөн өтүү
• Операция күнү, эртең менен сууга түшүп, башты жуу керек
• Айымдар косметикасыз болуусу зарыл
• Сиз клиникага белгиленген убакытта (эрте эмес) келишиңиз зарыл. Клиникада өткөргөн жалпы убакыт (операцияны чогуу эсептегенде), 2-3 саат болушу ыктымал
• Жаныңыздарда өздүгүн ырастоочу документ, операцияга төлөнүүчү акча болушу шарт
• Эртең менен жеңил тамак (нанүштө), эгер операция 13.00дөн кийин болсо, клиникага келердин алдында жеңил тамактанып алуу
• Кийимдери пахтадан жасалган жеңил (х/б) болуу керек (кенен футболка-кофта, трико же жеңил халат)
• өзү менен бут кийим алуу — тапочка же шлепка
• өзү менен караңгытылган (күндөн калкалоочу) көз айнек
• өзүңүз менен Сиздин келишимдин бир нускасын алыңыз

• Көзгө дары тамчылатуу: Сиз өзүңүз эле же жакындарыңыздын жардамы менен көзгө тамчылата аласыз. Отурган же жаткан абалда. Кол таза болуусу зарыл. Операция болгон көздүн ылдыйкы кабагын абайлап чоюп туруп дарыдан 1-2 тамчы тамчылатат. Бул маалда көздү ирмебей, өйдө жакты карап турууга аракеттениңиз.
• Бир күндө канча ирет дары тамчылатыш керек: биринчи жумада – бир күндө 5 жолу, кийинки жумада бир күндө 4 жолудан (түндөсүн тамчылатпай эле коёт), үчүнчү жумадан тартып Сиз Дексаметазон 0,1% дарысын өз алдынча бир күндө 1-2 тамчыдан 3 маал, кийинки жумаларда эки маалга өтөсүз.
• Дарылануу канча күнгө созулат: негизинен бир курс 1-1,5 айга созулат.
• Дары. Дарыларды Сиз өзүңүз сатып аласыз. Дары түгөнүп калганда 1 жолу акысыз ала аласыз.
• Текшерилүүгө качан келет: Операциядан 1,2 күн өткөндөн кийин. Андан соң – Сизди караган врач-офтальмологдун чакыруусу менен. Эгер көзүңүз ооруса, көздөн жаш агып же көрүүңүз начарласа – күтпөй эле өзүңүз врачыңызга кайрылыңыз.
• Көздү таңуу жана көздү коргоочу көз айнек: алгачкы суткада таңууну операциядан 2-3 саат өткөндөн кийин алып таштап, андан соң – күн нурунан калкалоочу көз айнекти көздү желден жана чаңдан сактануу үчүн көчөдө жүргөндө гана тагынасыз. Имаратка киргенде көз айнекти тагынуунун зарылдыгы жок.
• Операциядан кийинки мезгилдеги жүрүм-турум:
• Операция жасалган көздү кармалап, тырмап, суу менен жууганга болбойт. Көздү кичине да ооруксунтуп алуудан сакташ керек. Операция болгон көздү эч качан колуңар менен сүртпөгүлө;
• 1 айга чейин мончого, саунага түшүүгө болбойт. Өздүк гигиена: операция болгондон 3 күндөн кийин гана душка түшүп, башты жууса болот. Баш жууп жатканда операция болгон көзгө самындын кирип кетишинен сактануу керек. Эгер сиз өзүңүзгө ишене албай турсаңыз, анда башыңызды бир жумадан кийин гана жуусаңыз болот.
• Ар күнү операция болгон көзүңүздүн айланасын кайнак сууга малынган таза салфетка менен сүртүп туруңуз.
• Кара күч талап кылынуучу жумуштарды жасоого тыюу салынат: оор нерсени көтөрүү, эмеректерди жылдыруу, тез-тез кыймылдоо жана узакка башты ылдый ийүү.
• Чалкасынан түз жаткан калыбында же операция болгон көзгө карама-каршы келген капталы менен гана уктоо – 2 жума.
• Тамак мурдагы калыбында эле кала берет. Алгачкы күндөрү гана катуу азыктар менен тамактанбагыла (сабиз, сухари ж.б.). Ич катса, ич жумшартуучу дарыларды колдонгула. Алкоголь ичүүгө тыюу салынат.
• Зарылчылыгына карап, 2-3 жумадан соң Сизге көз айнек жазып берет.

Дары тамчылатуунун схемасы:

1- жума Комбинил-дуо 1-2 тамчы күнүнө 5 жолу
2- жума Комбинил-дуо 1-2 тамчы күнүнө 4 жолу
3- жума Дексаметазон 1-2 тамчы күнүнө 3 жолу (өзүңөр сатып аласыңар)
4- жума Дексаметазон 1-2 тамчы күнүнө 2 жолу (өзүңөр сатып аласыңар)
5- жума Дексаметазон 1-2 тамчы күнүнө 1 жолу (өзүңөр сатып аласыңар)

• Ray-Ban
• Rodenstock
• Silhouette
• Versace
• Giorgio Armani
• Dolce&Gabbana
• IC! Berlin
• MIU MIU
• Vogue жана башкалар

• BVLGARI
• Porsche Design
• Dolce&Gabbana
• Германиянын жаштар бренди Rocco
• Балдар рамкалары Baniss жана башкалар

• Bausch&Lomb
• Zeiss жана башкалар

• «Heidelberg Engineering» фирмасынын The Heidelberg Retina Tomograph II (HRT II) – көз сегментинин арт жагын сүрөткө тартуу жана үч эселенген сүрөтүн анализдөө үчүн лазердик сканерлөөчү система. HRT II ни эң бир маанилүү учурда клиникалык пайдаланышат, көз нервинин баш жагындагы нервдин глаукоматоздук бузулушун аныктоо жана глаукоманын өнүгүшүн байкоого алыш үчүн.
• «Zeiss» фирмасынын анализатору – көздүн көрүүсүн изилдөөчү, көрбөй калууга алып келүүчү негизги оорулардын өрчүшүнө баа берүүчү прибор.
• «Topcon» фирмасынын Авторефрактометр RM-A 7300 – көздүн рефракциясын жана каректин оптикалык күчүн (кератометрия) ченейт.
• «Zeiss» фирмасынын IOLMaster – көз огунун узундугун, каректин кыйшаюусун жана көздүн алдыңкы камерасын өлчөөчү, ошондой эле интраокулярдык линзаны эсептөө үчүн колдонулуучу прибор.
• «Topcon» фирмасынын SP-2000P моделиндеги эндотелиалдык микроскобу – каректин эндотелиалдык клеткаларын сүрөткө тартуу жана анын калыңдыгын өлчөөчү прибор.
• «Topcon» фирмасынын CT-60 компьютердик тонометри – көздүн ички басымын өлчөйт.
• «Tomey» фирмасынын A/B UD-6000 ультраүндүү сканери көздүн кеңдигин, каректин калыңдыгын изилдөө үчүн, ошондой эле көзгө УЗИ жасоо үчүн колдонулат.
• «Humphrey» фирмасынын периметри көрүү кеңдигин, түстүү периметрди өлчөйт, глаукоманы тестирлейт.
• «Titmus» көп функционалдуу прибору көздүн курчтугун, мүнөзүн өлчөө үчүн, билинбеген чалырлыкты тестирлөө жана түстүү көрүнүштү (дальтонизмди аныктоо) тестирлөөдө колдонулат.

Госпиталь бул даректе жайгашкан: Бишкек шаары, Байтик Баатыр көчөсү, 5 (мурдагы Советский), тагыраагы – Б.Байтик көчөсүнөн 300 метр аралыкта жайгашкан Жантөшев көчөсүндөгү №6 оорукананын аймагында жайгашкан.

Жакынкы аялдамалар - «Физприбор» жана «Мединститут».

Эгер шаардын борборунан келаткан болсо, Совет жана Жантөшев көчөлөрүнүн кесилишинен солго бурулуш керек.

Эгер кичирайондор жактан келе жаткан болсо, албетте оңго бурулуусу зарыл.

Тордомо кашааны бир аз бойлоп басып дарбазага чейин барсаңыз, анын артындагы үч кабаттуу Госпиталдын имаратын көрөсүз.

Баасы операция учурунда колдонулган материалдардын сапатына жараша болот. Операциянын баасы канчалык жогору болсо, анын сапаты да ошончо мыкты. Баанын бир нече баскычы бар:

• бюджеттик- 25.850 сом,
• социалдык - 37.850 сом,
• классикалык- 64.850 сом,
• евро - 120.850 сом.

Бул маселени лазердик коррекция ыкмасы менен нормалдуу көрүүнү кайрып алгысы келгендер коёт. ФРК менен LASIK көрүүнү лазердик коррекциялоонун бүгүнкү күндөгү негизги ыкмасы болуп саналат. Алар бир топ жалпылыкка ээ болушса да, бири-биринен айырмаланып турушат.

Эреже катары, LASIKти көп тандап алышат. Бул - функциясы тез калыбына келүүсү, операция учурунда жана андан кийин дискомфорт болбогондугу, стабилдүү натыйжага ээ болуу, ошондой эле бир эле учурда эки көздү тең операциялоо мүмкүнчүлүгү менен түшүндүрүлөт.

Көз айнекти буйрутма берүүгө чейин, өзгөчө, эгер көзүңөрдө көйгөй алгачкы ирет пайда болгондо эле, бир топ оорулардын алдын алуу үчүн врач-офтальмологдун кеңешин алышы керек. Эгер сиз көптөн бери көз айнек тагынып жүрсөңүз, көз айнек алуу үчүн оптиканын медициналык салонуна кайрылыңыз, ал жердеги врач-офтальмолог же оптометрист-адис көз айнек тандап берет.

Биздин Көз микрохирургиясы Госпиталында ушундай оптика бар. Бул көз айнекти тандаар замат, анын буюртмасын кошо жазууга мүмкүнчүлүк түзүлөт. Көз айнек жогорку технологиялык жана заманбап жабдыктар менен даярдалат, немецтик сапаттагы көз айнек алкагынын жана айнегинин көп сандаган түрү бар.

Ооба, биздин гана клиникада 30-60 секунддун ичинде эле көз айнектен арылтуучу өзгөчөлүү (уникалдуу) лазердик операция жасалат. Операция амбулатордук түрдө, заманбап лазердин жардамы менен жасалат.

Бирок, көрүүнү лазердик коррекциялоого чейин, сиз биздин врача-офтальмологдун кароосунан өтүп, кеп-кеңешин алышыңыз керек.

Ооба, биздин клиникада контакт коррекциясынын адистешкен кабинеттери жайгашкан, ал жерде сизге контакттуу линзаларын сизге туура тандап эле бербестен, аны кантип пайдалануу тууралу толук маалымат да беришет. Мындан тышкары, бул жерден сиз линзага аксессуарларды (аларды тазалоочу каражаттар: сактоо үчүн эритме-раствор, пинцет, контейнер) сатып алсаңар болот.

Клиника жалаң гана европалык өндүрүштөн чыккан (Великобритания) сапаты жогорку, жумшак контакттуу линзаларды сунуштайт. Жакындан, алыстан көрбөөчүлүктү коррекциялоо үчүн жумшак линзалар бар, эгер Сиз көзүңүздүн түсүн өзгөрткүңүз келсе – косметикалык линзаларды да ала аласыз.

Косметикалык түрдүү түстөгү линзалар: жашыл, жашгылтым-көгүлжүм, кызгылт-көк-сыя, жаңгак түстүү, көгүлтүр. Бардык линзалар комфорт тартуулаган жагымдуу, жогорку нымдуулукту сактаган узак убакытка тагына турган сапатка ээ.

Жок. Сиз операция – бул, абдан олуттуу экенин түшүнүшүңүз керек.

Эгер биз операция жасоо милдетин алсак, анда бизде сиздин көзүңүздүн абалы тууралу эң так маалымат болушу зарыл, а биз биздин клиникадан жасалган текшерилүүлөргө гана ишене алабыз. Анан калса, бизде гана ылайыктуу аппаратура – көздү текшерүү жана дарылоо үчүн жабдуулар Орто Азия боюнча бизден башка бир да клиникада жок.

Жок. Профессор биздин өзүбүздүн гана текшерүүнүн жыйынтыгы менен кеңеш берет.

Себеби: "Көз микрохирургиясы" Госпиталы гана ылайыктуу аппаратурага ээ, көздү текшерүү жана дарылоо боюнча мындай жабдуу Орто Азия боюнча бир да клиникада жок. Андан сырткары, башка клиниканын маалыматтарына жөндөн жөн эле ишене бербей, өзүбүз-өзүбүзгө ишенгенибиз жакшы эмеспи.